Iesci, iesci sole
Pe copp’ a Calore,
Ncopp’ a Punticiello
Ce stanno tant’ acielli,
’Cielli e cinquanta,
U vallo sempe canta;
Canta la viola
Lu masto de la scola,
Scola e scolecchia
Lu masto peretecchia....
Iesci, sole santo,
Cummoglia a tutti quanti,
Cummoglia a chella vecchia
Che stà ncoppa na cerza,
La cerza se n’è caruta,
La vecchia se n’è fiuta,
Se n’è fiuta a Beneviento,
S’accattao nu bello jenco,
U jenco aizava a cora,
E la vecchia in tu vallone;
U jenco aizava a cossa,
E a vecchia inta la fossa.
Nessun commento:
Posta un commento